About the Temple

ശ്രീ പാർവതിയുടെ ഒരു മൂർത്തിഭേദം. സർവ സമൃദ്ധിയുടെയും ഭഗവതി. ആദിപരാശക്തിയുടെ ആഹാരം നൽകുന്ന മാതൃഭാവം. കാശിയിൽ നിന്നും സ്വർണ്ണക്കപ്പലിൽ മലബാറിന്റെ പുണ്യഭൂമിയിലേക്ക് എഴുന്നള്ളിയ പ്രപഞ്ചമാതാവായി ഐതിഹ്യങ്ങളിൽ വിശേഷിപ്പിക്കപ്പെടുന്ന ചെറുകുന്നിലമ്മ ഭക്തരുടെ ആത്മീയവും ഭൗതികവുമായ വിശപ്പകറ്റുന്ന കരുണാമയിയായ അമ്മയാണ്.

പരശുരാമനാൽ പ്രതിഷ്ഠിതമായ ഈ പുണ്യസങ്കേതത്തിലെ ആദിമൂർത്തിയാണ് ശ്രീകൃഷ്ണ ഭഗവാൻ. ഐതിഹ്യങ്ങൾ പ്രകാരം ക്ഷേത്രം ആദ്യം ഒരു ശ്രീകൃഷ്ണ ക്ഷേത്രമായിരുന്നു. പിന്നീട് കാശിയിൽ നിന്നും കടൽമാർഗ്ഗം ഇവിടെയെത്തിയ അന്നപൂർണ്ണേശ്വരി ദേവി ശ്രീകൃഷ്ണന്റെ വടക്കുഭാഗത്തായി കുടികൊണ്ടു എന്നാണ് വിശ്വാസം.